Dende fai un tempo para aquí as formiguiñas do Castro andan a traballar en diferentes iniciativas. Xunto ós grandes preparativos para una xornada festiva no Castro de Pantón o vindeiro 17 de agosto a organización quere presentar unha nova iniciativa: un concurso de deseño de camisolas. Así que desenferruxade as cacholas e atrevédevos a participar nesta aventura.

A temática do deseño será libre, mais porén debe encaixar coa identidade festeira do evento que representará, poderá participar calquera persoa maior de 16 anos e o máximo de traballos presentados por suxeito artístico será de cinco.

O prazo para enviar os deseños rematará o día 17 de maio de 2013, polo tanto pon a traballar as túas ideas!

Agardámoste!

Para máis información consultar as bases.

A Asociación Cultural O Castro leva uns mesiños traballando na organización do vindeiro evento festivo en Pantón, o Festival do Castro 2013.

Este ano o encontro coa música e o baile no sur da provincia lucense ten como data o sábado 17 de agosto de 2013, polo tanto recomendamos que vaiades marcando a data cun xigante "FESTA NO CASTRO EN PANTÓN!"

Porque xa estamos aquí, xa espertamos da resaca do marabilloso encontro do pasado ano e traballamos sen folgos por unha nova etapa festiva.

Este ano haberá algunha que outra sorpresa a través da cal poderedes formar parte da vosa festa no Castro, aínda máis se cabe.

En pouquiño tempo teredes novas.

Apertas festivaleir@s do mundo!

Unha nova edición do Festival do Castro volveu encher de cultura, música e diversión o castro de Ferreira. Cada ano é mais a xente que se achega ao noso concello e a que participa en mais actividades do Festival. Acompañou o tempo e acompañaron tamén as gañas da xente de pasalo ben e o bo facer de artistas e artesáns que deron contido durante todo o dia ao Festival. Como semre queremos agradecer o comportamento e a colaboración de toda a xente que se achegou ademais de facer un recoñecemento especial a todas as persoas que colaboraron desinteresademente, un ano mais, en que todo fora un éxito. Desde a Asociación Cultural O Castro, moitas grazas! En 2013 máis!

Preme en continuar para ver as galerías de fotos desta edición.

Durante a tarde do domingo 12 de agosto e ata pasadas as nove da noite, tivo lugar o 5º Torneo de Birlos en San Fiz, no campo dos birlos Suso Prado. Un ano mais o evento foi todo un éxito de participación, con mais de 20 xogadores e xogadoras e tres grupos clasificatorios para a final. Este torneo serve para ver aos grandes xogadores da zona e ao mesmo tmpo para que mais e mais persoas se vaian achegando e perdan o medo a participar neste deporte tradiconal tan noso. Os trofeos serán entregados ao remate do xantar popular do Festival do Castro que nesta edición serán para: