 Todo listo para unha nova edición do Festival do Castro e tras as primeiras novas parece que o tempo, un ano mais, non vai estragar a festa. Cada ano é mais complicado realizar unha actividade como esta nas maos dunha asociación xuvenil que como a nosa. Comprendemos a crise e por iso axustamos todo ao máximo mais botamos en falta a algunhas institucións, como a Consellería de Cultura, apostaran por seguir apoiando concertos e festivais pequenos e independentes, máxime en sitios como Pantón, como paradigma do rural galego, que soportan o estigma de que nada se move. E cando se move, quen o apoia? Pois nen por esas imos perder as gañas de seguir adiante e na sexta edición organizada pola Asociación Cultural O Castro temos preparado unha combinación do mais interesante de diversión, cultura e música populares nun espazo de liberdade e gratuito. Buscamos o mellor dos festivais de verán xunto co mais delicioso sabor das festas populares para un resultado que ano a ano resulta espectacular e atrainte para cada vez mais xente. Mentres rematamos de acondicionar a zona de acampada, de montar barras e mercar viandas queremos poñer en valor a aqueles negocios que dun xeito desintesado nos axudan e que desde aquí recomendamos. Por último queremos lembrar que aínda que sempre se van poder anotar algunhas persoas no propio día, é mellor reservar praza para o xantar ou mercar o bono nos puntos de venda. No Castro xa cheira a festa! |
|
Programa do Festival do Castro 2011 |
 |
 |
 |
|
 Todo está xa en marcha, coas actividades e actuacións confirmadas, para que o 20 de agosto todos e todas podamos disfrutar xuntos dunha nova edición do Festival do Castro. Durante todo o día teremos animación musical e actividades como o torneo de birlos, a feira de artesanía, pola mañá ou xogos infantís, circo e maxia pola tarde para todas as idades a cargo do Circo Chosco e o Mago Tonino. No xantar popular disfrutaremos con bos produtos da terra e boa música a cargo da Asociación Cultural Amigos da Pandeireta rematando cos Skarallaos que revolucionarán a hora do café. Xa pola noitiña, a partir das 10 o concerto comezará coa batucada dos Perqtores de Seixalbo para pasar ás actuacións de Tiruleque, Guezos, os sempre sorpendentes Lamatumbá e United Flavour que, chegados de Chequia, e tras varios anos tentando contar con eles imos disfrutar en Pantón da súa única actuación en Galiza. Remataremos a noite por segundo ano con dúas sesións a cargo dos Dz!Selectors e o noso emigrado Sergio Rv Dj.
Pasamos lista! |
|
Historia da Escola de Baile e Gaitas O Castro |
|
|
|
|
A Asociación Cultural Escola de Baile e Gaitas O Castro de Pantón (Asociación Cultural O Castro) ten o seu orixe aló polo comezo do ano 1996, partindo dunha iniciativa da Asociación de Nais e Pais do colexio público Monte Baliño. Por aquel entón, ficaron xermes e inquedanzas que non foron resoltas logo da loita social que xuntou ós veciños e veciñas do noso concello tentando conseguir que as mozas e mozos en idade escolar puideran realizar completa a Ensinanza Secundaria Obrigatoria. Aquela loita non foi de balde, se ben non se deixou a E.S.O. no noso concello ficou a necesidade e promoción de actividades para os/as máis pequenos, froito disto as nosas nais e pais viron interesante a posibilidade de concretar ensinanzas musicais, concretamente as clases de gaita e solfeo como alternativas extraescolares que naquelas datas floreceron de moitos tipos e con éxito . |
|
Continuar...
|
|
